“Şimali Kiprin və Avropanın qabaqcıl universitetlərindən biri olan Doğu Akdeniz Universitetinin Azərbaycanın bir çox ali təhsil ocağı ilə rəsmi əməkdaşlığı davam edir. Belə ki, uğurla davam edən qarşılıqlı əməkdaşlıq hər iki ölkənin təhsil ocaqlarına faydalı nəticələr göstərir. Sevindirici haldır ki, təhsilinə və ictimai fəallığına görə təhsil haqqından azad edilən azərbaycanlı bəzi tələbələrimiz də DAU da təhsil almaqla yanaşı Vətənimizi yüksək səviyyədə təbliğ etməyə çalışırlar” Bu sözləri Doğu Akdeniz Universitetinin Azərbaycan üzrə rəsmi təmsilçisi Orxan Həsənoğlu söyləyib.

Rəsmi təmsilçi həmçinin bildirib ki, DAU Azərbaycanın paytaxtında yerləşən universitetlərlə birlikdə ölkəmizin bölgələrində də fəaliyyət göstərən digər universitetlərlə də sıx əməkdaşlıq edir. O vurğulayıb ki, Azərbaycanın universitetləri ilə elm-təhsil sahəsində qarşılıqlı olaraq əməkdaşlığa daha çox üstünlük verilir. Rəsmi təmsilçi, hazırda ölkəmizin sürətlə inkişafını və ali təhsil sahəsində beynəlxalq səviyyədə əldə olunan uğurlarını xaricdə fəaliyyət göstərən digər universitetlər kimi DAU-da maraq mərkəzində olduğu bildirib. “Çox sevindirici haldır ki, universitetlərimizin elmi texniki bazaları sadəcə paytaxtımızda deyil, regionlarımızın ali təhsil müəssisələrində də sürətlə inkişaf etməkdədir. Məhz bunun nəticəsidir ki, biz dəfələrlə Gəncə şəhərində olaraq, buradakı Gəncə Dövlət Universiteti, Gəncə Aqrar Universiteti və Gəncə Müəllimlər İnstitutu ilə də əməkdaşlıq etmişik” - deyə o bildirib. Hazırda Naxçıvan Muxtar Respublikasında səfər etdiklərini qeyd edən Orxan Həsənoğlu, bu səfərin məqsədini bu tədbirlərin davamı və nəticəsi kimi qiymətləndirib. O.Həsənoğlu bir neçə il öncə DAU rektoru Abdullah Öztoprağın Naxçıvana səfər etdiyini xatırladaraq, burada Ali Məclis sədri Vasif Talıbovla görüşdüyünü və eyni zamanda Naxçıvan Dövlət Universiteti və eyni zamanda Naxçıvan Özəl Universiteti ilə qarşılıqlı iş birliyinə dair əməkdaşlıq protokolu imzaladığını vurğulayıb. O, məhz bu protokola əsasən adı çəkilən hər iki qurumun müəllimlərinin yay aylarında DAU-da müxtəlif ixtisaslar üzrə kurslara qatıldığını, qarşılıqlı olaraq öz biliklərini paylaşaraq, onların biliklərinin daha da artmasına və xarici praktika ilə daha yaxından tanış olmağa səbəb olduğunu qeyd edib. Hazırda Naxçıvana səfərin məqsədinin DAU-nun təşkilatçılığı ilə çox saylı tələbənin iştirakı ilə beynəlxalq təhsil kursunun keçirilməsi olduğunu o vurğulayaraq, Beynəlxalq kursun DAU-nun professorları Ersun İşçioğlu və Dəniz İşçioğlunun məruzələri ilə gerçəkləşəcəyini bildirib. Gerçəkləşən beynəlxalq kursun əsas mövzusu müasir təhsil texnologiyaları və ətraf mühitin inkişafı ilə bağlıdır. Rəsmi təmsilçisi həmçinin bildirib ki, Naxçıvana səfər edən DAU-nun professorlarının Naxçıvanın inkişafından və buradakı universitetlərdə yaradılmış elmi-texniki bazadan razıdırlar. O. Həsənoğlu bildirib ki, Azərbaycanın digər bölgələri ilə yanaşı Naxçıvan Muxtar Respublikasından da gənclərin DAU da təhsil almasını və xüsusi ilə də bu il Naxçıvandan DAU-ya təhsil almağa gələn tələbələrin sayının çox olduğunu vurğulayıb.

Baxılıb: 621