Ermənistanın partiya lideri: “Türkiyə Ermənistana 100 mlrd. dollar təzminat ödəməlidir”
Ermənistan martın 1-nə qədər protokolların təsdiqlənməsi üçün Türkiyəyə təzyiq etməlidir. KƏLAMİNFO xəbər verir ki, bu bəyanatla Ermənistanın Konstitusiya Hüququ Birliyi Partiyasının lideri Hayka Babukyan söyləyib.
O qeyd edib ki, əgər Türkiyə həmin tarixə qədər protokolları ratifikasiya etməsə Ermənistan onun qarşısına ön şərt qoymalıdır. H.Babukyan Türkiyəni “Erməni soyqırımı”nı tanımağa, Ermənistana 100 mlrd. dollar məbləğində təzminat ödəməyə və “erməni torpaqları”nı geri qaytarmayğa çağırıb.
Xatırladaq ki, Türkiyə ilə Ermənistan arasında əlaqələrin normallaşması ilə bağlı məlum protokolların imzalanması müxtəlif ölkələr, o cümlədən Azərbaycan tərəfindən də birmənalı qarşılanmadı. Əksər ekspertlər sözügedən protokolların gələcəkdə Türkiyə üçün böyük problemə çevriləcəyini söyləyiblər.
Açılış Səhifəsi et 
Ermənistanın partiya lideri: “Türkiyə Ermənistana 100 mlrd. dollar təzminat ödəməlidir”
