“Artıq hazırkı şəraitdə müsəlman ölkələrinin hərbi blokunun yaradılması zərurəti yetişib”. “Azadinform” xəbər verir ki, bunları Bakıda səfərdə olan Pakistan Senatının sədr müavini Mir Can Cəmali bildirib. O qeyd edib ki, artıq bu məsələyə baxmaq zamanı yetişib, bunun üçün potensial mövcuddur.

Onun sözlərinə görə, Qərb dünyası proseslərə ikili standartlarla yanaşır. “Xristian dünyasında bir proses baş verəndə dərhal müdaxilə etməyə çalışırlar. Lakin müsəlman dünyasında Qarabağ, Bosniya, Kəşmir və sair yerlərdə baş verənlərə müdaxilə etmirlər. Bununla bağlı BMT-nin qətnamələrini yerinə yetirməyə çalışmırlar. Türkiyə də daxil olmaqla müsəlman ölkələri arasında hərbi və siyasi qüdrəti olan dövlətlər çoxdur və biz başqa təşkilatların tərkibində yox ayrıca hərbi blok yaratmaqla öz problemlərimizi həll edə bilərik” - deyə o əlavə edib.

Baxılıb: 513