Qardaşım Kəbir Azəriyə ithaf edirəm
Günəş tək saçılıb, bulud tək doldun Gül kimi açılıb, tezcə də soldun Sən sözlə doğuldun, sözlə də öldün Ey mənim qəlbimin parası qardaş.
Sən hələ gənc idin, çox azdı yaşın, Bir bəla, müsibət görmədi başın, Gözü yaşlı qaldı neçə yoldaşın, Ey mənim qəlbimin parası qardaş.
Bu dəli hicrana dözə bilmirəm, Kədər ümmanında üzə bilmirəm, Dolana bilmirəm, gəzə bilmirəm, Ey mənim qəlbimin parası qardaş.
Qaldı gözü yaşlı böyük qardaşın Başıma mən salım haranın daşın? Atanın, ananın gəl sil göz yaşın Ey mənim qəlbimin parası qardaş.
Bəhram MƏMMƏDOV
|
|