В«Türkiyənin Ermənistanla şərq sərhədləri transsərhəd daşınmaları üçün açılacaqВ». Erməni mətbuatının iddiasına görə, bu sözləri Türkiyənin xarici işlər naziri Əhməd Davudoğlu Ermənistanın qeyri-hökumət təşkilatlarının nümayəndələri ilə görüşdə bildirib. В«KƏLAMİNFOВ»nun məlumatına görə, В«ArmTodeyВ» В«Hurriyet Daily NewsВ»ə istinadən xəbər verir ki, Davudoğlu ilə görüşün yekunlarından sonra Ermənistan İstehsalçılar və Sabibkarlar İttifaqının rəhbəri Artur Kazaryan bildirib ki, В«Türkiyə XİN rəhbəri ümidvar olduğunu bildirib ki, bizim Türkiyəyə gedib və orada tarixi yerlərə baxmağımız üçün gec-tezi sərhəd açılacaqВ». Qeyd edək ki, erməni QHT-ləri Ankaraya Türkiyə XİN rəhbəri ilə Ermənistan-Türkiyə münasibətlərinin normallaşmasını müzakirə etmək üçün gəliblər. В«Avrasiya-ƏməkdaşlıqВ» fondunun rəhbəri Mikael Ovvanisyan nazirdən Ermənistan-Türkiyə münasibətlərinin nə vaxt bərpa olunacağını soruşub. В«Təəssüf ki, biz konkret cavab ala bilmədik. Dəqiq tarix ala bilmədik. Lakin bizi əmin etdilər ki, türk tərəfi bu istiqamətdə addımlar atacaqВ».

Baxılıb: 435