Liviya lideri Müəmmar Qəddafi şəxsi toxunulmazlığına təminat veriləcəyi təqdirdə, hakimiyyətdən getməyə razılıq verib. “KƏLAMİNFO” Rusiyanın “Kommersant” qəzetinə istinadən xəbər verir ki, polkovnik belə bir təminat ala bilər.
Qəzet Rusiya rəhbərliyindən yüksək rütbəli məmura istinadən yazır ki, belə bir bəyanat Rusiya-NATO Şurasının Soçidə keçirilən görüşündə bildirilib. Liviya liderinə təminat verə biləcək ölkələr sırasında Fransa göstərilir. Prezident Nikola Sarkozi hökuməti Qəddafi və onun ailə üzvlərinin bank hesablarının açılmasına, eləcə də onun hərbi tribunaldan yaxa qurtarmasına kömək etməyə hazırdır.