Bu gündən etibarən “Yeni Teatr” II Respublika Festivalına start verilir. Mədəniyyət və Turizm Nazirliyindən “KƏLAMİNFO”ya verilən xəbərə görə, Azərbaycan Respublikasının dövlət müstəqilliyinin iyirminci ildönümünə həsr olunan festivalın təşkilat komitəsinə mədəniyyət və turizm nazirinin müavini Ədalət Vəliyev sədrlik edir. Təşkilat komitəsinə İncəsənət şöbəsinin müdiri Fərəh Əliyeva, Teatr sektorunun müdiri Naidə İsmayılzadə, Teatr sektorunun baş məsləhətçisi Vəfa Novruzova, Lənkəran şəhər Mədəniyyət və Turizm şöbəsinin müdiri Vasif Fərzullayev, Lənkəran Dram Teatrının direktoru İslam Həsənov, Teatr Muzeyinin müdir müavini Nazim Məmmədov, Az.TV-nin əməkdaşı, rejissor Rövnəq Həsənzadə daxildirlər. Festivalın rəsmi qonaqları sırasında isə Xalq artisti, TXİ-nin sədri Azərpaşa Nemətov, sənətşünaslıq doktoru, professor Məryəm Əlizadə, sənətşünaslıq namizədi Aydın Talıbzadə, dramaturq Əli Əmirli, Xalq artisti Amaliya Pənahova, Musiqili Komediya Teatrının direktoru Əliqismət Lalayev, Gənc Tamaşaçılar Teatrının direktoru Mübariz Həmidov, TXİ-nin katibi, teatrşünas Kəmalə Cəfərzadə yer alıblar.

Xatırladaq ki, festivalın proqramı da açıqlanıb: 21 iyun, saat 12.00-da festivalın açılış mərasimi Lənkəran Dövlət Dram Teatrı, saat 13:00-da Qriqori Qorinin В«Herostratı unudunВ» Lənkəran Dövlət Dram Teatrı, saat 19:00-da Mirzə Fətəli Axundzadənin В«Sərgüzəşti-vəziri-xani-LənkəranВ» Azərbaycan Dövlət Rus Dram Teatrı, 22 iyun saat 12:00-da Nodar Dumbadzenin В«Mən, nənəm, İliko və İlarionВ» Mingəçevir Dövlət Dram Teatrı, saat 19:00-da Tuncer Cucenoğlunun В«ZiyarətçiВ» Sumqayıt Dövlət Musiqili Dram Teatrı, 23 iyun saat 12:00-da Ü.Hacıbəyli, C.Məmmədquluzadə və M.Ə.Sabirin felyetonları əsasında В«Məsəl ya … əməlВ» Azərbaycan Dövlət В«YuğВ» Teatrı, saat 19:00-da Enurə Abdullayevanın В«Ağ qayıqВ» Şuşa Dövlət Musiqili Dram Teatrı, 24 iyun saat 12:00-da Zihni Papaqçının В«Soyqırımı abidəsinin dastanıВ» İrəvan Dövlət Azərbaycan Dram Teatrı, saat 19:00-da G.Figeyredonun “Ezop” Azərbaycan Dövlət Gənc Tamaşaçılar Teatrı, 25 iyun saat 12:00-da Bəxtiyar Xanızadənin В«Pantomim buketiВ» Azərbaycan Dövlət Pantomim Teatrı, saat 19:00-da Anarın В«QaravəlliВ» Bakı Bələdiyyə Teatrı, 26 iyun saat 12:00-da Elçinin В«QatilВ» Gəncə Dövlət Dram Teatrı, saat 19:00-da Nikolay Qoqolun В«EvlənməВ» Azərbaycan Dövlət Musiqili Komediya Teatrı, 27 iyun saat 17:00-da Hüseynbala Mirələmovun В«XəcalətВ» Azərbaycan Dövlət Akademik Milli Dram Teatrı. Qeyd edək ki, Lənkəran Dövlət Dram teatrında keçiriləcək festivalın bağlanış mərasimi iyunun 27-də olacaq.

Baxılıb: 514