“Azərbaycan çox təhlükəli seysmik zonada yerləşir”. “KƏLAMİNFO” xəbər verir ki, bu sözləri jurnalistlərə açıqlamasında Azərbaycan Milli Elmlər Akademiyasının (AMEA) Geologiya İnstitutunun Geodinamika və seysmologiya şöbəsinin müdiri Fəxrəddin Qədirov deyib. Onun sözlərinə görə, Ərəb piltəsinin hərəkəti nəticəsində davamlı olaraq sıxılma prosesi gedir və deformasiya prosesləri nəticəsində zəlzələlərin, vulkan püskürmələrinin, yerdə yarıqların və yeni çatların əmələ gəlməsi müşahidə olunur. F.Qədirov bu hadisənin Azərbaycanda infrastrukturlar, xüsusilə də neft infrastrukturu üçün ciddi təhlükə yaratdığını bildirib. “Bizim aparacağımız tədqiqatlar iki istiqamətdə olacaq. Birinci yol CPR tədqiqatlarıdır. Bu, dünyada çox məşhurdur. İkinci isə bilavasitə neft yataqlarında digər seysmik metodlarla əmələ gələn zərərləri öyrənməkdir” - deyə F.Qədirov əlavə edib.

Baxılıb: 399