Azərbaycan və Türk diasporası təşkilatlarının Koordinasiya Şurasının təmsilçiləri Qarabağ məsələsi həll olunmayana qədər Türkiyə və Ermənistan sərhədlərinin açılmasını düzgün qərar hesab etmir. Azərbaycan və türk diaspora təşkilatları Koordinasiya Şurasının birgə keçirdiyi iclasında prezident İlham Əliyev və Abdullah Gülə müraciət ünvanlanıb. Müraciətdə qeyd edilir ki, azərbaycanlılar və türklər bir-birinə ən yaxın xalqlardır və onlar həmişə bir mövqedən çıxış ediblər. “Biz-Azərbaycan və Türk diaspora təşkilatlarının Koordinasiya Şurasının təmsilçiləri Qarabağ münaqişəsi həll edilməyənə qədər erməni-türk sərhədlərinin açılmasını düzgün qərar hesab etmirik. Biz həm də Türkiyə ilə Ermənistan arasında münasibətlərin normallaşmasına dair imzalanan protokollara da qarşıyıq, çünki Ermənistan hələ də Azərbaycan və Türkiyənin ərazi bütövlüyünə iddia edir”,-deyə müraciətdə qeyd edilib.

Baxılıb: 667