ATƏT-in Parlament Assambleyasının prezidenti Petros Eftimiu bu ilin may ayında Azərbaycana səfəri çərçivəsində ölkəmizlə təşkilat arasında münasibətlər, eləcə də digər məsələlər müzakirə olunacaq. KƏLAMİNFO xəbər verir ki, bu barədə yap.org.az saytına açıqlamasında Milli Məclisin sədr müavini, Azərbaycanın ATƏT PA-dakı nümayəndə heyətinin rəhbəri Bahar Muradova məlumat verib. “Biz xüsusilə Ermənistanın Azərbaycana qarşı təcavüzü məsələsini diqqət mərkəzində saxlayacağıq. Təşkilatın bu problemin həllində öz fəallığını artırmaq zərurəti qurumun rəhbərinin nəzərinə bir daha çatdırılacaq”,-deyə vitse-spiker qeyd edib.

Baxılıb: 448