Bu gün Bakıda dünya şöhrətli alim Lütfi Zadənin anadan olmasının 90 illiyi münasibəti ilə tədbir keçirilib. KƏLAMİNFO xəbər verir ki, tədbirdə çıxış edən rabitə və informasiya texnologiyaları naziri Əli Abbasov Lütfi Zadənin həyat və elmi fəaliyyətindən danışıb. Onun sözlərinə görə, Lütfi Zadənin qeyri-səlis məntiq nəzəriyyəsi elektron hesablama texnologiyasında da yeni bir inqilab etmək ərəfəsindədir. Nazir həmçinin məşhur alimin anadan olmasının 90 illiyi münasibətilə “Dostluq” ordeni ilə təltif edilməsi ilə bağlı prezident İlham Əliyevin Sərəncamını xatırladıb. Tədbirdə həmçinin Lütfi Zadənin prezident İlham Əliyevə yazdığı təşəkkür məktubu oxunub. Daha sonra alimin həyat və elmi fəaliyyətinə həsr olunmuş video-çarx nümayiş olunub.

Baxılıb: 379