ABŞ Dövlət Departamenti Şuşada əzəldən azərbaycanlıların yaşadığını təsdiq edib
ABŞ Dövlət Departamenti ermənilərin işğal etdiyi Şuşa şəhərində əzəldən azərbaycanlıların yaşadığını təsdiq edib. KƏLAMİNFO xəbər verir ki, bu barədə ABŞ Dövlət Departamentinin rəsmi saytında qeyd olunub.
Məqalədə deyilir ki, 1992-ci ilin mayında erməni qoşunları Azərbaycanın Dağlıq Qarabağ bölgəsinin azərbaycanlılar yaşayan tarixi paytaxtı Şuşa şəhərini və Laçın rayonunu işğal etmişlər.
Məqalədə qeyd olunur ki, işğalı genişləndirən erməni ordusu 1993-cü ilin oktyabrında Azərbaycanın Dağlıq Qarabağ bölgəsinin ətrafındakı yeddi rayonunu da zəbt edərək nəzarətə götürmüşdür.
Dövlət Departamentinin saytında deyilir: “Erməni qoşunları irəlilədikcə 100 minlərlə azərbaycanlı qaçqına və məcburi köçkünə çevrilmişdir. 1993-cü ildə BMT-nin Təhlükəsizlik Şurası hərbi əməliyyatlara son qoymağa, işğalçı qoşunların zəbt etdiyi əraziləri azad etməyə, regionda beynəlxalq humanitar yardımın həyata keçirilməsini maneəsiz təmin etməyə və sülhü dəstəkləmə qüvvələrinin yerləşdirilməsinə çağırmışdır”.