İraq yenə terrorçuların hədəfinə tuş gəldi. KƏLAMİNFO Türkiyə mətbuatına istinadən xəbər verir ki, Kərbəla şəhəri yaxınlığında yolda dayanmış bomba yüklü bir avtomobil şiə zəvvarlarının keçdiyi əsnada partladılıb. Eyni anda 3 kilometr irəlidə bomba yüklü başqa bir avtomobil də havaya uçurulub. Hücumda 25 nəfər ölüb, 68 nəfər yaralanıb. Bağdadda isə avtobusu populyar bir xəbər kanalının binası qarşısına sürən kamikadze altı nəfərin ölümünə səbəb olub. Televiziya kanalının yaxınlığında yerləşən iraqlı bir millət vəkilinə aid ev isə çöküb. Yaralanan millət vəkili ağır halda xəstəxanaya yerləşdirildirilib. Kamikadze iki təhlükəsizlik nöqtəsini keçdiyi üçün təhlükəsizlik xidmətinin bəzi əməkdaşları həbs edilib.

Baxılıb: 535